As enquisas nos permiten coñecer o que pensan, opinan, senten ou fan as persoas.
Para facer unha enquisa, temos que elaborar un cuestionario. O cuestionario pode incluir os seguintes puntos:
- unha introdución explicando o motivo da enquisa
- explicación sobre a forma de responder (marque cun x, marque por orde de preferencia 1,2,3)
- unha ou varias preguntas
- alternativas de resposta ( sí/no, moito/pouco/nada...)
- agradecemento pola colaboración
Ó longo do curso vos propoñerei facer diferentes enquisas en formato papel ou a través do blog. No caso de incluir a enquisa no blog, unicamente faremos unha pregunta con varias posibles respostas e pensaremos canto tempo ofrecemos para conseguir os datos.
As enquisas serán anónimas e publicaremos os resultados globais no noso blog.
EXEMPLO
(Introdución)
O centro ten previsto realizar unha excursión de fin de curso cos alumnos de 4º. Con este motivo, desexamos coñecer os seus desexos e preferencias.
(Forma de responder)
Pon, por favor, unha X enriba da opción que prefiras
(Preguntas e alternativas de resposta)
- Participarías na excursión? Sí / non
- Gustaríache que a excursión durase .... 2 días / 3 días / 4 días
- Prefires que inclúa actividades deportivas .... sí / non
- Prefires que a viaxe se realice en tren / en autobús
- Queres hospedarte en albergue/ tenda de campaña/ hotel
No hay comentarios:
Publicar un comentario